Letra prekëse e motrës për 99-shin e PDK-së, Isak Nezirin, si e befasoi ajo në studio
14 janar 2025
| 16:43
Kandidati për deputet nga PDK-ja, Isak Neziri është befasuar në studion e emisionit SOL me Adelina Hasanin derisa ka pranuar një letër të shkruar me dorë nga motra e tij.
I ftuar në Klan Kosova, Neziri ka folur për jetën e tij jashtë Kosovës ku është detyruar të shkojë si i ri në Gjermani për të ndihmuar familjen, vëllezërit e motrën e tij të shkollohen.
Pikërisht këtë e ka kujtuar në letrën që i ka dërguar vëllait të saj në studio motra e kandidatit për deputet.
Letrën e ka publikuar në rrjetet e tij sociale edhe Neziri që e ka falënderuar familjen e tij për përkrahjen e jashtëzakonshme në çdo rrugëtim.
“Çdo sakrificë e mund i prindërve, vëllezërve dhe motrës time, është shpërblyer me kohën. U emocionova shumë nga letra që pranova nga motra ime Ibja në emisionin SOL me Adelina Hasanin. Faleminderit familjes që më ka qëndruar pranë në çdo rrugëtim timin”, ka shkruar Neziri.
