Pas humbjes së Bayern Munchen në transfertën ndaj Borussia Monchengladbach, Bayer Beverkusen humbi sot një mundësi të artë për t’iu afruar kreut, pasi nuk shkoi përtej barazimit 1-1 në sfidën ndaj Werder Bremen në “Bay Arena”.

Miqtë kaluan të parët në avantazh me anë të Toprak në fillim të pjesës së dytë, ndërsa ish sulmuesi i Milanit, Patrick Schick ishte ai që shmangu humbjen për “aspirinat”, pasi shënoi golin e barazimit në minutën e 70-të.

Schalke pas 15 javësh më në fund ka shijuar fitoren e parë në Bundesligë duke mundur 4-0 Hoffenhaimin, në sfidën e zhvilluar pasditen e sotme në stadiumin “Gelsenkirchen”.

Sulmuesi 19-vjeçar amerikan Mattheë Hoppe ishte protagonist i padiskutueshëm për Schalken, pasi arriti të shënojë tre golat e parë të ndeshjes, duke mbyllur llogaritë, ndërsa goleadën e kompletoi 23-vjeçari maroken Amine Harit.