Partia Demokratike e Kosovës (PDK) dhe Lëvizja për Drejtësi kanë nënshkruar një koalicion parazgjedhor sipas të cilët partia e Sylejman Qerkezit do të jetë pjesë e listës se PDK-së në zgjedhjet e 14 shkurtit.

Lajmin e ka bërë me dije  ushtruesi i detyrës së kryetarit të PDK-së dhe kandidati për kryeministër, Enver Hoxhaj në një konferencë të përbashkët për medie me Qerkezin.

“Dua t’i uroj z. Sylejman Qerkezi mirëseardhje në listën tonë si kandidat në kuadër të listës tonë. Dua ta sigurojë që do të kemi një bashkëpunim të mirëfilltë që ta ndryshojmë Kosovën pas një viti të vështirë që kemi pas në vitin 2020”, ka thënë Hoxhaj.