Lëvizja Vatra ka theksuar se kalimi i kufirit për në Kosovën Lindore është bërë i paparashikueshëm dhe mjaft shqetësues, kjo për faktin se shqiptarët e dëbuar nga atje, e të cilët ende kanë dokumente valide të Serbisë po arrestohen.

Sipas Vatrës, këto veprime autoritetet serbe po i bëjnë me arsyetimin se u është pasivizuar vendbanimi.

“Pas arrestimit ata (shqiptarët) dërgohen në gjykatat më të afërta ku iu shqiptohet një gjobë, pastaj iu konfiskohen dokumentet dhe në fund depërtohen për në Kosovë”, ka njoftuar Lëvizja Vatra.

Më tutje, Vatra ka theksuar se viktima të këtij veprimi të Serbisë janë kryesisht janë banorët e Malësisë së Bujanocit.

“Kjo dukuri ka nisur katër muaj më parë dhe ka ardhur pastaj gjithnjë duke u shpeshtuar. Më  herët nuk është vërejtur diçka e tillë”.

“Ky veprim ka zënë fill menjëherë pas paralajmërimit të Ivica Daçiqit në Parlamentin e Serbisë lidhur me çështjen e pasivizimit të dokumenteve”, ka njoftuar Vatra.