Roberto Lewandowski, nuk arriti të linte gjurmë në përballjen ndaj Shqipërisë, të cilën Polonia e fitoi me rezultat 1-0.

Kapiteni i polakëve vlerëson lojën e Shqipërisë, ndërsa pranon se ky do të jetë një grup i vështirë.

“Shqipëria ishte e organizuar mirë në mbrojtje, na la pak hapësira. Sigurisht kishim kontrollin e lojës, por duhet ta kishim vrarë ndeshjen. Kemi shumë punë përpara dhe besoj se trajneri e di shumë mirë këtë. Kjo sfidë tregoi edhe një herë se ky është një grup i vështirë, këto sfida që në letër duhet t’i fitosh do të jenë përcaktuese për këtë grup”, ka thënë Lewandowski.