Gjatë 24 orëve të kaluara, në Liban janë regjistruar mbi 100 raste të koronavirusit, që paraqet rekord për periudhën 24-orëshe në shtetin e vogël të Lindjes së Mesme.

Rreth 75 për qind e rasteve janë në mesin e punëtorëve të një kompanie pastrimi, të cilët janë shtetas të huaj dhe që nuk kishin simptoma të sëmundjes, bëri të ditur ministri i shëndetësisë, Hamad Hasan.

Ai gjithashtu tha se burimi i përhapjes është i njohur, por se është nevojitur testimi i 800 punëtorëve të kompanisë së pastrimit, bashkë me 1,000 punëtorë të tjerë të dy kompanive të tjera, me të cilët ishin të lidhur.

“Numri i të prekurve do të mbetet i lartë këtë javë”, ka thënë ministri Hassan.

Deri më tani, Libani i ka regjistruar mbi 2,000 persona të infektuar me virusin SARS-CoV-2 dhe 36 të vdekur nga sëmundja Covid-19. Rastet e para ishin shënuar në shkurt.