Ministri i Shëndetësisë, Armend Zemaj ka njoftuar se deri tash kanë aplikuar për licencim 123 institucione private shëndetësore.

Në një konferencë për media, Zemaj ka bërë me dije se deri tash janë shqyrtuar 37 prej këtyre aplikacioneve, ku 31 prej tyre i kanë plotësuar kushtet për testim.

Ai ka bërë me dije se që nga java e ardhshme këto institucione mund të fillojnë me testime.

“123 institucione private shëndetësore kanë aplikuar deri tash për licencim. Bordi ka shqyrtuar 37 aplikacione, ku 33 prej tyre i kanë plotësuar kushtet. Këto institucione mund të fillojnë me testime nga java e ardhshme”, ka thënë Zemaj para gazetarëve.

Zemaj ka deklaruar se çdo institucion që bie ndesh me procedurat ligjore, do t’i merret licenca.