Kryetari i Aleancës për Ardhmerinë e Kosovës (AAK), Ramush Haradinaj, i ka shprehur ngushëllime familjes Gruda për vdekjen e profesor Zejnullah Grudës.

Ai ka thënë se Zejnullah Gruda i ka shërbyer atdheut me devotshmëri duke edukuar breza të tërë.

“Do të mbahet mend për mprehtësinë e mendjes, urtësinë dhe guximin intelektual. Ndajmë dhembjen me familjen Gruda, kolegët e studentët e tij dhe të gjithë ata që e njohën. Pusho në paqe rofesor”, ka shkruar Haradinaj në llogarinë e vet në “Facebook”.

Zejnullah Gruda gjatë gjithë karrierës së tij është marrë me botime dhe publikime të shumta.

Ndërkohë që ka qenë aktiv me opinionet e tij, sidomos sa i përket çështjeve të kufijve.

Ai po ashtu ka qenë prej shumë vitesh profesor i rregull universitar. Gruda ka qenë anëtari i Komisionit për Demarkacionin e Kufirit të Kosovës me Malin e Zi.