![](https://www.epokaere.com/wp-content/uploads/2022/02/EF18E754-6DEB-4936-B74C-679FD386F2A0.jpeg)
Lideri i opozitës në Kosovë, Memli Krasnqi, vizitë zyrtare në Shqipëri
09 shkurt 2022
| 21:06
Lideri i opozitës në Kosovë, Kryetari i PDK-së, Memli Krasniqi, është nisur për një vizitë zyrtare, dy ditore, në Shqipëri, me ftesë të kryeministrit shqiptar Edi Rama.
Gjatë kësaj vizite, Krasniqi do të takohet me të gjithë krerët e shtetit në Shqipëri.
Krasniqi do të pritet nga Kryetarja e Kuvendit, Lindita Nikolla, Kryeministri Edi Rama, lideri i opozitës, Lulzim Basha dhe Kryetari i Bashkisë së Tiranës, Erion Veliaj.
Temë e diskutimeve gjatë kësaj vizite do të jetë afrimi i bashkëpunimit në mes të Kosovës dhe Shqipërisë, faktorizimi i shqiptarëve në Ballkan dhe rruga për integrim euro-atlantik.