Paris, 23 qershor – Liga 1 nuk ndryshon format dhe nuk “ngushtohet”, siç pritej ose parashikohej gjatë kësaj periudhe ku futbolli është ndaluar deri në korrik.

U mendua se do të reduktohej numri i ekipeve pjesëmarrëse për sezonin 2020-2021, por nuk është marrë parasysh nga Federata e Futbollit.

Në mbledhjen e zhvilluar të martën u diskutua pikërisht për këtë gjë dhe kjo ide është hedhur poshtë nga bordi drejtues. 74.49 % të votave zgjodhën ta vazhdojnë sistemin aktual, pra me 20 ekipe. Më pas erdhi edhe konfirmimi zyrtar se Liga 1 do të zhvillohet me 20 ekipe, të paktën edhe për sezonin 2020/2021.