Klubi i Basketbollit Peja, e ka regjistruar fitoren e dytë bë Ligën Ballkanike.

Ekipi i Rami Hadar, triumfoi sonte në udhëtim ndaj skuadrës nga Mali i Zi, Pljevlja, me rezultat 76:85.

Basketbollistët më të dalluar tek pejanët ishin Justin Edler-Davis, i cili shënoi 24 pikë dhe Sadio Doucuore, që i shtoi 20 pikë.

Ndërkaq tek malazezët më i dalluari ishte Darius Mcneill me 29 pikë.

Peja nesër do të luajë ndeshjen e radhës në Ligën Ballkanike, ndaj skuadrës tjetër nga Mali i Zi, Lovcen.

Ditë më parë, kampionët e Kosovës kishin mposhtur Lovcenin në “Karagaçi” me rezultatin 83:69.