Në Nyon të Zvicrës është hedhur shorti i fazës së 1/16-ve të Ligës së Evropës, ku nuk kanë munguar as përballjet interesante.

Pa fat Manchester United, që pas eliminimit nga Liga e Kampionëve do të ketë një provë të vështirë ndaj kryesuesve të Real Sociedad. Milani do të jetë i impenjuar ndaj Crvena Zvezdës, skuadra serbe që gjatë verës sfidoi Tiranën në Ligën e Kampionëve, duke na eliminuar me një gol të Tomane. Arsenali ndërkohë do të ketë një duel të vështirë ndaj një ekipi me shumë eksperiencë në kompeticionet evropiane si Benfica, ndërkohë që Tottenham do të sfidojë Wolfsbergun.

Takimet e para do të zhvillohen më 18 shkurt, ndërsa të kthimit më 25 shkurt. Oraret e përballjeve janë të njëjta, 18:55 dhe 21:00. Shorti për fazën e 1/16-ve do të hidhet më 26 shkurt.

Shorti i Ligës së Evropës:

Wolfsberg – Tottenham
Dynamo Kiyv – Club Brugge
Real Sociedad – Manchester United
Benfica – Arsenal
Crvena Zvezda – Milan
Antwerp – Rangers
Slavia Praha – Leicester City
Salzburg – Villareal
Braga – Roma
Krasnodar – Dinamo Zagreb
Young Boys – Bayer Leverkusen
Molde – Hoffenheim
Granada – Napoli
Maccabi Tel Aviv – Shakhtar D.
Lille – Ajax
Olympiacos – PSV