Lideri i Nismës Socialdemokrate, Fatmir Limaj, ka drekuar me drejtuesit e kësaj partie në Komunën e Ferizajt.

Pas drekës, Limaj ka vazhduar aktivitet, duke u takuar me qytetarë nga kjo komunë në kuadër të fushatës për zgjedhjet e 14 shkurtit.

“Sot angazhimin politik e fillova duke ngrënë drekë me drejtuesit e dëgës sonë në Ferizaj, për të vijuar me takimin e këndshëm me të rinjtë energjik të Lagjes 12 qershori në qytetin e bukur të Ferizajt.
Jam tejet i lumtur që kjo gjeneratë e artë e shoqërisë sonë, me vullnet e përkushtim po i bashkohen kauzës sonë të drejtë, duke u rreshtuar me çlirimtarët për vlerat kombëtare”, ka shkruar Limaj në llogarinë e vet në “Facebook”.