Kryetari i Nismës Socialdemokrate, Fatmir Limaj ka mirëpritrur aktgjykimin e Gjykatës Kushtetuese rreth dekretit të presidentit Hashim Thaçi, për ta mandatuar Avdullah Hotin nga LDK-ja për postin e kryeministrit.

Limaj përmes një postimi në llogarinë e vet në “Facebook”, ka ftuar të gjitha partitë politike të vazhdojnë traditën e krijuar deri më sot në respektimin e aktgjykimeve të Gjykatës Kushtetuese.

“Aktgjykimi sotëm i dha fund dilemës nëse Kuvendi i Kosovës ka të drejtë të zgjedh një qeveri tjetër nga partia e dytë pas mocionit të suksesshëm për rrëzimin e qeverisë apo jo! Aktgjykimi sotëm i Gjykatës Kushtetuese qartëson rrugët kushtetuese që duhet ndjekur për formimin e institucioneve, si dhe do të kontribuojë në evitimin e ngërçeve institucionale në të ardhmen”, ka shkruar Limaj.

(Q.R / Epoka e re)