Zëvendëskryeministri i Kosovës, njehësh kryetar i Nismës Socialdemokrate, Fatmir Limaj, ka uruar Shtetet e Bashkuara të Amerikës (ShBA), me rastin e 4 Korrikut, Ditën e Pavarësisë.

Limaj ka thënë se bashkë me ShBA-të feston e gjithë bota liridashëse dhe të gjitha shtetet që përfaqësojnë vlerat e këtij shteti.

Ai ka theksuar se qytetarët e Kosovës do t’i jenë përjetë mirënjohës ShBA-së për kontributin e vazhdueshëm të dhënë për vendin tonë.

“Kosova është e bekuar që ka miqësi me ShBA-të dhe miqësia me ta do të jetë e përjetshme”, ka thënë Limaj.