Teka ka folur për luftën e UÇK-së, kreu i NISMA-së Fatmir Limaj ka treguar për Kanal10 edhe rreth vizitës së tij në Hagë te ish-krerët e UÇK-së që po akuzohen nga Gjykata Speciale në Hagë.

Limaj tha se ish-krerët që po mbahen në parabugrim mbi supet e tyre po bartin barrën e tentimit që po bëhet për ta përmbysur të ardhëm e vendit.

“Askush dhe asgjë s’mund ta përmbysë luftën e UÇK-së. Kurrë mos u shqetësoni për gjendjen e tyre fizike. Ata moti ia kanë dhanë jetën Kosovës. Ne duhet të shqetësohemi a po cenohet ajo çfarë ata po përfaqësojnë. Sot s’po dalim për individë, por për atë çfarë ata përfaqësojnë. Ata mbi supet e tyre bartin diçka që dikush po tenton me përmbysë, e ajo e përmbysë të ardhëmn tonë.”, ka deklaruar Limaj për Kanal10.