Kryetari i Nismës Socialdemokrate, Fatmir Limaj, njëherësh zëvendëskryeministër në Qeverinë e Kosovës, Fatmir Limaj, i është gëzuar zgjedhjes se Eliot Engelit në krye të Komitetit për Marrëdhënie të Jashtme në Kongresin Amerikan.

Limaj e ka vlerësuar kongresistin amerikan si një nga miqtë dhe përkrahësit më të mëdhenj të Kosovës ndër vite.

Ai ka thënë se pret që Eliot Engel ta ndihmojë Kosovën në konsolidimin e mëtejme të vendit.

Sipas zëvendëskryeministrit është shumë më rëndësi vazhdimi i bashkëpunimit të institucioneve të Kosovës dhe Eliot Engelit,  veçanërisht tani kur Kosova po provon të arrij marrëveshje me Serbinë për njohje reciproke.

“Urime miku i madh i Kosovës”, thuhet ndër të tjera në urimin e Limajt.