Qytetarë të shumtë dhe ish-deputetë i janë bashkuar tubimit festiv “Festojmë me Ju!”, në nderë të 15-vjetorit të Pavarësisë së Kosovës, si lloj proteste në mbrojtje të krerëve të UÇK-së të cilët po gjykohen në Hagë.

Fatmir Limaj në manifestimin “Festojmë me ju”, ka thënë se është përherë mirënjohës për shpallësit e Pavarësisë së Kosovës.

Ai ua ka uruar 17 shkurtin liderëve të UÇK-së që gjenden në Hagë,Hashim Thaçit, Jakup Krasniqit, Kadri Veselit, Rexhep Selimit.

Në videoprojektor janë lëshuar edhe fjalimet e Hashim Thaçit, Jakup Krasniqit dhe Fatmir Sejdiut, të mbajtura në ditën e shpalljes së pavarësisë së Kosovës në vitin 2008.