Kryetari i Nismës Socialdemokrate, Fatmir Limaj, ka përkujtuar sot, në 22-vjetorin e rënies, Ilir Konushevcin dhe Hazir Malajn. Limaj e ka vlerësuar lart kontributin e Konushevcit, për të cilin ka thënë se ishte një nga strateget më të shquar të UÇK-së, po ashtu e ka çmuar shumë edhe kontributin e mjekut nga Tropoja, Hazir Malaj.

“Gjeneral Ilir Konushevci do të mbetet përherë në kujtesën tonë si një idealist i cili nuk kurseu asgjë për lirinë e vendit”, ka shkruar ndër të tjera Limaj.

Teksti përkujtimor i Limajt:

Sot në 22 vjetorin e rënies kujtojmë me pietet strategun e shquar të Ushtrisë Çlirimtare të Kosovës, një nga celulat e para të UÇK-së, heroin e kombit, Ilir Konushevci.

Gjeneral Ilir Konushevci do të mbetet përherë në kujtesën tonë si një idealist i cili nuk kurseu asgjë për lirinë e vendit.

Në këtë ditë kujtojmë edhe mjekun nga Tropoja, dëshmorin e kombit dr. Hazir Malaj.

Lavdi jetës dhe veprës së Ilir Konushevcit dhe Hazir Malajt!

Lavdi dëshmorëve të kombit!

(B. D.: “Epoka e re”)