Kryetari i Nisma-s, Fatmir Limaj ka bërë publik emrin e Zafir Berishës kandidat për deputet të Kuvendit të Kosovës nga radhët e koalicionit AAK-NISMA.

Kështu ka bërë të ditur vet Limaj përmes llogarisë në “Facebook”.

Njoftimi i plotë:

Me kënaqësi sot kam nderin të prezantoj para jush kandidatin për deputet, ish-bashkëluftëtarin tim dhe ish-deputetin, kryetarin e NISMA-së në Prizren, Zafir Berisha!

Zafir Berisha është një figurë e njohur dhe e respektuar, jo vetëm për angazhimin e tij të palodhshëm në periudhën e luftës, por edhe për kontributin e çmuar që ka dhënë gjatë viteve të shërbimit të tij si deputet i Kosovës.

Duke besuar në vlerat e tij dhe duke pasur besim në vizionin e tij për Kosovën, jam i bindur se Zafir Berisha është i duhuri për të përfaqësuar interesat e qytetarëve tanë në Kuvendin e Kosovës.