Kryetari i Nismës Socialdemokrate, Fatmir Limaj, në fjalën e tij me rastin e shënimit të 5-vjetorit të Nismës në Gjakovë, ka thënë se filozofia e këtij subjekti politik është shtetformuese.

“Burrat dhe gratë e Nismës janë shtetformues. Detyra jonë është të japim ide të shëndosha dhe ato t’i kthejmë në vendime shtetërore”, ka thënë Limaj.

“Rivalët politikë duhet të shërbejnë për të nxitur ide të reja dhe për të bërë punë të mbara për vendin, dhe jo gara që dëmtojnë proceset politike në vend, gara që shqetësojnë dhe përplasin qytetarët”, ka theksuar Limaj në Gjakovë.

“Ne duhet të japim zotime në shërbim të vendit”, ka thënë Limaj.

“Ne refuzojmë që qytetari të shihet si pazar. Ne duam njerëz që kanë ide. Ne duam një familje politike ku ndihesh mirë dhe kjo është Nisma Socialdemokrate”, ka deklaruar Limaj.

Ai ka thënë se Nisma Socialdemokrate sot në Qeveri është duke dhënë kontribut të jashtëzakonshëm me ministritë që drejton.

“Ne jemi duke fuqizuar aftësimin profesional dhe shkollat profesionale”, ka thënë Limaj.