Kreu i Nismës Socialdemokrate, Fatmir Limaj, përmes një statusi në rrjetin social “Facebook”, ka shprehur ngushëllime për vdekjen e biznesmenit të njohur, Latif Kryeziu.

Lajmin për vdekjen e biznesmenit Kryeziu, i pari i Nismës e ka quajtur pikëllues, duke theksuar se vdekja e tij nuk është humbje vetëm për familjen, por për gjithë vendin.

Postimi i plotë i Limajt:

Pikëllues lajmi për vdekjen e biznesmenit të njohur, Latif Kryeziu. Vdekja e tij nuk është humbje vetëm për familjen e tij, por edhe për vendin. Ai ka dhënë kontribut të madh në periudha të ndryshme për zhvillimin e ekonomisë së vendit. Ngushëllime familjes Kryeziu dhe gjithë miqve të të ndjerit.