Zëvendëskryeministri i Kosovës, Fatmir Limaj, ka marrë pjesë në hapjen e turneut dyditor në futboll të vogël, i cili po mbahet në Kleçkë.

Limaj ka thënë se ky turnir mbahen në nderim të dëshmorëve të Brigadës “121 Kumanova”.

“Në prag të 20-vjetorit të rënies së dëshmorëve të UÇK-së, të Brigadës ‘121 Kumanova’, bashkë me bashkëluftëtarë morëm pjesë në hapjen e turnirit dyditor në futboll të vogël që po mbahet në Kleçkë. Ishte kënaqësi që ndeshja e parë u zhvillua në mes të veteranëve të UÇK-së të kësaj brigade me djemtë që kanë lindur në ’98-n, e që sot janë 20 vjeç. Pas ndeshjes vizituam edhe kompleksin memorial të dëshmorëve të Brigadës ‘121 Kumanova’. Dëshmorët dhe martirët e këtij brezi dhe brezave të mëhershëm janë themeli i shtetit të Kosovës. Kosova do t’i nderojë përjetë të gjithë ata që bënë të mundur lirinë e Kosovës”, ka shkruar Limaj në llogarinë e vet në “Facebook”.

/Epoka e re/