Kryetari i Nismës Socialdemokrate, Fatmir Limaj, ka thënë se Dita e Flamurit dhe 107-vjetori i shpalljes së Pavarësisë së Shqipërisë e ka gjetur shtetin shqiptar të goditur nga një fatkeqësi e madhe natyrore.

Pavarësisht kësaj, Limaj ka thënë se me rastin e 28 Nëntorit kujtojnë të gjithë ata që i kanë shërbyer kësaj ditë në etapa të ndryshme

“Shqiptarët gjithandej kanë ndarë bashkë dhimbjet, vuajtjet dhe gëzimet dhe në këto momente të rënda për popullin shqiptar, mendjet dhe zemrat tona janë më motrat dhe vëllezërit tanë në Shqipëri. Ne bashkëndjejmë me familjet që humben më të dashurit, dhe lutemi që të lënduarit të gjejnë shërim sa më parë. Kjo ditë historike përkon edhe me ditëlindjen e komandantit legjendar, Adem Jashari si dhe daljen e parë publike të Ushtrisë Çlirimtarë të Kosovës. Në këtë ditë të shënuar në sot kujtojmë të gjithë ata që i shërbyen kësaj ditë në etapa të ndryshme”, ka thënë Limaj.

/Epoka e re/