Nën drejtimin e kryetarit të Nismës Socialdemokrate, Fatmir Limaj, është  mbajtur takimi i rregullt me kryetarët e degëve, ku është diskutuar për aktivitetet e deritanishme dhe planet për një funksionim sa më të mirë të strukturave të partisë.

Në këtë takim kryetari Limaj, ka falënderuar  të gjithë drejtuesit e degëve të Nismës për angazhimin dhe bashkëpunimin e deritanishëm si dhe ka shprehur gatishmërinë e tij për të qenë edhe më bashkëpunues me qëllim të realizimit të projekteve politike, në interes të qytetarëve.