12 aktivistët e arrestuar gjatë një aksioni simbolik të grupit “Asnji cent me shumë” tek zyrat e Zyrës së Rregullatorit për Energji (ZRrE) për kundërshtimin e shtrenjtimit të rrymës, janë liruar.

Kjo formë e protestës është zhvilluar si shprehje e pakënaqësisë ndaj rritjes së tarifave të rrymës prej 15 për qind.

Pas kësaj ngjarje, ka reaguar edhe Zyra e Rregullatorit për Energji.

Në njoftim është thënë se ZRrE-ja është e vetëdijshme për shqetësimet e qytetarëve lidhur me procesin e tanishëm tarifor, të shprehura të mërkurën përmes protestës pranë zyrave të ZRrE-së.

Paralajmërimi për rritjen e çmimit të rrymës, ka ngjallur reagime të mëdha dhe pakënaqësi te qytetarët dhe bizneset.