Liverpool nuk di të ndalet, viktima e radhës në Premier League ishte Leicester City (2-1) dhe tashmë ata kanë 24 pikë pas tetë ndeshjesh.

Miqtë po kalonin në një super formë dhe pritej që të ishte një ndeshje shumë e vështirë dhe ashtu rezultoi, pasi takimi u vendos nga një penallti e shënuar nga Milner në minutën e fundit.

‘Gjyshi’ Milner ishte edhe personi që asistoi golin e parë të shënuar nga Mane, ndërsa për miqtë ishte Maddison ai që do të barazonte shifrat në minutën e 80-të.

Leicesteri mbete në vend të 3 me 14 pikë, ndërsa në vendin e dytë është Manchester City me 16 pikë, por që ka një ndeshje për të zhvilluar.