Liverpooli nuk është i interesuar për anësorin e Real Madridit, Marco Asensio.

Asensio ka kontratë me Real Madridin deri vitin e ardhshëm, por largimi i tij mund të ndodhë këtë verë.

Spanjolli nuk është i kënaqur me minutat dhe kërkon pagë më të lartë. Kushte këto që nuk pritet të pranohen nga “Mbretërit”.

Interesim për të kanë shfaqur disa ekipe, në mesin e tyre thuhej se është edhe Liverpooli.

Por, sipas lajmeve që po qarkullojnë në Spanjë, “Reds” nuk janë të interesuar për anësorin.

Milani dhe Arsenali janë dy ekipet e tjera që po monitorojnë spanjollin.

Mbetet të shihet se çfarë do të ndodhë me të ardhmen e lojtarit.