Më rastin e sulmit të dytë ndaj Jasharajve të Prekazit, kryetari i Komunës së Drenasit, Ramiz Lladrvovci me bashkëpunëtorë komunal, kanë bërë homazhe dhe kanë vënë kurora me lule pranë kompleksit të Jasharajve në Prekaz.

Lladrovci me këtë rast ka thënë se me 22 Janar të vitit 1998, në sulmin e dytë të Jasharajve, u rikonfirmua vendosmëria e kësaj familje heroike se nuk do të zmbrapsën nga rruga për çlirimin e vendit.

Pas homazheve në kompleksin e Jasharajve, kryetari Lladrovci është pritur në zyre nga kryetari i Komunës së Skenderajt, Bekim Jashari.

Postimi i plotë i tij:

Sulmi i dytë ndaj Jasharajve, më 22 Janar 1998, nga pushteti kriminal serb, do të dështoj. Në këtë ditë, u rikonfirmua vendosmëria e kësaj Familjeje heroike se nuk do të zmbrapsën nga rruga e çlirimit.

Me homazhet e sotme, vendosjen e luleve pranë vendit ku prehet Komandanti legjendar, Adem Jashari dhe Familja heroike Jashari, shprehim nderimin e thellë e të sinqertë për jetën dhe veprën e tyre.

Nderim i përjetshëm për heronjtë, dëshmorët dhe martirët e kombit!

Lavdi!