Kryetari i Drenasit, Ramiz Lladrovci, ka takuar kandidatin për deputet të PDK-së me numër 99, Isak Nezirin, për të cilin thotë se është një nga përfaqësuesit më të suksesshëm të mërgatës tonë në Gjermani.

“Një nga përfaqësuesit më të suksesshëm të mërgatës tonë në Gjermani, është Isak Neziri, i cili mban numrin 99 në listën zgjedhore të PDK-së, për Kosovën ma mirë, Bedri Hamzën kryeministër. Ai e do Kosovën më mirë, duke sjell përvojën, frymën dhe gatishmërinë për ta bërë Kosovën më të mirë”.

“Isaku përfaqëson mërgimtarin i cili me punë të përkushtuar, ka arritur sukses të madh në Gjermani dhe sot, ai është në mesin tonë, për të marrë besimin e qytetarëve për t’i përfaqësuar denjësisht. Vlerat të cilat i përfaqëson Isaku, i bëjnë nder Listës së kandidatëve të PDK-së, Drenasit dhe të gjithë Kosovës”, ka shkruar Lladrovci në “Facebook”.

Ai ka përgëzuar Isak Nezirin për arritjet e tij dhe ka uruar që me përvojën e tij të pasur, në Parlament të jetë zë i qytetarëve dhe ndërmarrësve atdhetarë, pjesë e vizionit për Kosovën ma mirë, Bedri Hamzën kryeministër.