Kryetari i komunës së Drenasit, Ramiz Lladrovci, ka publikuar një foto nga ulësja e aeroplanit gjatë udhëtimit së bashku me ndërmarrësin Fiton Peja, të cilin e kishte edhe bashkëluftëtar, duke ia dedikuar një shkrim të shkurtër.

Sukseset janë veçori e atyre që punojnë shumë dhe përkushtohen me tërë qenien në rrugën e nisur, Fitoni është një nga modelet e suksesit në biznes dhe kontribuuesit për shoqërinë dhe kombin, ka shkruar Lladrovci.

Postimi i tij:

Me mikun tim, Fiton Pejën, rrugës për Gjermani. Qëllimet e njëjta për Kosovën na kanë afruar para më shumë se dy dekadave, qëllime që na shtyjnë edhe sot për ta mbajtur miqësinë të fortë dhe të qëndrueshme.

Sukseset janë veçori e atyre që punojnë shumë dhe përkushtohen me tërë qenien në rrugën e nisur, Fitoni është një nga modelet e suksesit në biznes dhe kontribuuesit për shoqërinë dhe kombin. Suksese të mëtejme miku im!