Kryetari i Komunës së Drenasit, Ramiz Lladrovci është takuar me kandidiatin për deputet nga radhët e PDK-së, Valon Grabovci.

Lladrovci, ka thënë se Grabovci është njeri i dëshmuar që nga lufta çlirimtare ku si 16-vjeçar i ishte bashkuar UÇK-së.

“Valoni është aktivist i hershëm i Partisë Demokratike të Kosovës, ka promovuar demokracinë dhe ndërtimin e shtetit të fuqishëm. Kandidat për Parlamentin me numrin 55, ai sjell përvojë të pasur, vizion ekonomik dhe përkushtim për përmirësimin e jetës së qytetarëve.  Valoni është zë i shpresës dhe zhvillimit për një Kosovë më të fortë, më të drejtë dhe për Kosovën ma mirë!”, ka shkruar Lladrovci në “Facebook”.

Postimi i plotë:

Valon Grabovci me vendosmëri është i përkushtuar ndaj Kosovës, një lider që ka bashkuar sakrificën, profesionalizmin dhe vlerat familjare. Me formim të shkëlqyer në financë dhe aviacion, ai ka kontribuar për më shumë se një dekadë në zhvillimin e sektorëve strategjikë të vendit.

Në moshën 16-vjeçare, si ushtar i UÇK-së dhe djali i heroit Dinë Grabovci, ai dëshmoi guxim dhe dashuri të pakufishme për atdheun.

Valoni është aktivist i hershëm i Partisë Demokratike të Kosovës, ka promovuar demokracinë dhe ndërtimin e shtetit të fuqishëm. Kandidat për Parlamentin me numrin 55, ai sjell përvojë të pasur, vizion ekonomik dhe përkushtim për përmirësimin e jetës së qytetarëve.

Valoni është zë i shpresës dhe zhvillimit për një Kosovë më të fortë, më të drejtë dhe për Kosovën ma mirë!

Suksese Valon!

Kosova mundet ma mirë!