Kryetari i komunës së Drenasit, Ramiz Lladrovci, së bashku me tre drejtuesit komunal, vizituan vëllezërit Demaj nga Abria, të liruar nga burgu.

Vizita e sotme te vëllezërit Demaj me rastin e lirimit të tyre nga burgu, shprehim solidaritet më tërë vuajtjet e tyre, padrejtësinë dhe njëherësh, të urojmë që të mos ndodh më asnjë rast i tillë kundër ushtarëve të UÇK-së, ka shkruar Ramiz Lladrovci në “Facebook”.

Postimi i plotë:

Sot, së bashku me Arsim Haxhiun, Muhamet Gjoka e Bekim Dobra, vizituam familjen Demaj nga Abria, per t’i uruar lirimin e tyre nga burgu.

Vëllezërit Demaj nga Abria, kanë qenë luftëtar dhe kontribuues të mëdhenj të luftës kudo kanë vepruar. Burgosjen e tyre, e kam parë dhe ndjerë si padrejtësi dhe kam ndjerë dhimbje, sepse kam besuar fort se ushtarët e UÇK-së, kanë qenë shembullor dhe nuk e kanë merituar trajtimin e tillë.

Vizita e sotme te vëllezërit Demaj me rastin e lirimit të tyre nga burgu, shprehim solidaritet më tërë vuajtjet e tyre, padrejtësinë dhe njëherësh, të urojmë që të mos ndodh më asnjë rast i tillë kundër ushtarëve të UÇK-së.

Lufta e UÇK-së ka qenë e pastër dhe e drejtë, në pajtim me të gjitha normat ndërkombëtare, këtë e konfirmojnë të gjitha institucionet ndërkombëtare dhe vendore, duke bërë që krah ushtarëve tanë të rreshtohet tërë bota demokratike dhe NATO!