Mbrojtësi Leotrim Bekteshi është futbollisti më i ri i skuadrës së Llapit. Ai është prezantuar të hënën, derisa ka nënshkruar marrëveshje njëvjeçare me klubin që drejtohet nga Tahir Batatina.

“Kemi kënaqësinë t’iu njoftojmë marrëveshjen e arritur me qendërmbrojtësin, Leotrim Bekteshi. Në prani të Drejtorit Sportiv, Mentor Zhdrella, qendërmbrojtësi mitrovicas ka nënshkruar kontratë 1 vjeçare me mundësi vazhdimi. Përvoja dhe stabiliteti i tij në mbrojtje padyshim që do jenë ndihmesë e madhe për ekipin tonë për t’i arritur objektivat që kemi në edicionin e ri”, thuhet në njoftimin e Llapit.

Bekteshi skuadrës së re do t’i bashkohet menjëherë me ekipin në përgatitjet parasezonale për edicionin e ri të Superligës që fillon në muajin gusht.