Klubi i futbollit Llapi e ka mirëpritur dje selektorin e ri të Kosovës, Franco Foda, i cili ishte prezent në stadium në derbin me Dritën.

Llapjanët sot (e hënë) e kanë bërë lajmin nëpërmjet një postimi në rrjetet sociale, përmes së cilit e kanë falënderuar trajnerin gjerman për vizitën, ndërsa ia dhuruan atij edhe një fanellë të klubit.

Foda është takuar me trajnerin dhe drejtorin gjeneral, Tahir Batatina dhe me kryetarin e klubit, Beqir Batatina.

Gjithashtu, ai paraprakisht e ka vizituar edhe Malishevën, e cila ka luajtur me Dukagjinin.