Skuadra e Llapit ka harruar se si të fitohet, pasi edhe në ndeshjen e njëmbëdhjetë radhazi nuk ka arritur të marrë tri pikët e plota.

Në fakt, Llapi ka luajtur në stadiumin “Zahir Pajaziti” baras me Dukagjinin (0-0) në ndeshjen e javës së 18-të në Superligë. Pjesa e parë e ndeshjes u karakterizua me lojë më të mirë të vendasve, por përkundër rasteve të krijuara, portat mbeten të paprekura dhe ekipet shkuan në pushim me rezultatin 0-0.

Në pjesën e dytë, vendasit krijuan më shumë raste por që nuk arritën t’i konkretizojnë, ashtu sikurse edhe mysafirët. Duhet cekur se Llapi shënoi një gol në minutat shtesë me Hamdi Namani, por goli u anulua nga VAR-i dhe ndeshja përfundoi 0-0. Llapi e mbyll sezonin në pozitën e tetë me 17 pikë, ndërsa Dukagjini zë pozitën e shtatë me 21 pikë.