Skuadra e Llapit është duke vijuar përgatitjet në Antalia të Turqisë për fazën përgatitore para fillimit të kampionatit.

Ekipi i drejtuar nga trajneri Tahir Batatina sot e ka zhvilluar miqësoren e radhës ku është takuar me skuadrën e Diyarbairspor.

Llapjanët triumfuan në këtë miqësore me rezultat minimal 1-0, derisa golin e vetëm e shënoi Mentor Zhdrella. Ditë me parë, Llapi luajti baras 1-1 me Tuzlasporin.