Llapi e ka humbur miqësoren e fundit të zhvilluar në Antalia të Turqisë.

Klubi që drejtohet nga Tahir Batatina është mposhtur me rezultat 2-1 nga klubi i madh bullgar, CSKA Sofia.

Golin e vetëm për “bardhekaltrit” nga Kosova e konkretizoi sulmuesi, Festim Alidema pas asistimit nga Kastriot Selmani.

Trajneri i Llapit, Tahir Batatina u dha minuta të gjithë futbollistëve që kishte në dispozicion.

Llapi pritet të rikthehet në Kosovë ditëve në vijim. Fituesit e Kupës së Kosovës e nisin stinorin pranveror kundër Ferizajt në Kupën e Kosovës.