E ardhmja e Manuel Locatellit duket se do të jetë te Juventusi. Sipas “Tuttosport”, mesfushori i Sassuolos ka bërë të qartë dëshirën e tij për t’u transferuar në Torino.

Një qëndrim ky që ka nxjerrë nga gara Arsenalin, një nga skuadrat që ishte hedhur në sulm për ish-yllin e Milanit. “Topçinjtë”, në fakt, duket se kanë kthyer vëmendjen nga Houssem Aouar i Lyonit.

Për sa iu takon negociatave mes Juventusit dhe Sassuolos, drejtuesit bardhezinj duket se po punojnë për një formulë të ngjashme me atë që ka çuar Chiesan nga Firence në Torino. Formula është një huazim për një shifër të ulët dhe detyrimin e blerjes për një shumë të konsiderueshme.