Drejtori ekzekutiv i komitetit organizues i “Tokyo 2020”, Toshiro Mutu, siguroi se anulimi i Lojërave Olimpike (23 korrik deri më 8 gusht) për shkak të pandemisë nuk ishte nën diskutim, por pranon mundësinë që ato të zhvillohen pa audiencë.

“Ne nuk jemi duke diskutuar anulimin. Mbajtja e Lojërave Olimpike është politika jonë e palëkundur”, ka thënë Mutu, duke zbuluar mundësinë që gara të mbahen me dyer të mbyllura. “Konkluzionet e arritura në pranverë janë diçka që ne do t’i zbulojmë më vonë. Nuk mund të bëj asnjë parashikim”, ka shtuar Mutu.