Liverpooli ka konfirmuar transferimin e Dejan Lovrenit te Zenit St Petersburgu . Reprezentuesi kroat ka nënshkruar kontratë 3-vjeçare me klubin rus.

Raportohet se anglezët kanë përfituar rreth 12 milionë euro nga shitja e Lovrenit. Lovreni nuk bënte pjesë në planet e gjigantit anglez, derisa në edicionin që sapo lamë pas ishte aktivizuar në vetëm 10 ndeshje në Premierligë.

“Lovren largohet nga “Anfield” pasi ka luajtur një rol të rëndësishëm në triumfin e fundit në Ligën e Kampionëve dhe si pjesë e skuadrës që ka fituar Superkupën e UEFA-s, Kupën e Botës për Klube dhe Premierligën gjatë edicionit 2019/2020”, thuhet në njoftimin e Liverpoolit.