Në dy ndeshjet e radhës së Gjermanisë, Joakim Low la jashtë grumbullimit në mënyrë surprizë Jerome Boatengun. Dhe në pushimin e ndeshjes Dortmund-Bayern, trajneri i kombëtares sqaroi për “Sky” vendimin e tij.

“I thashë që të merrte një pushim. Është e rëndësishme që ai të rikthehet 100% i gatshëm përsëri”.

“Pancerat” do të luajnë kundër Rusisë dhe Holandës edhe pa portierin Mark-Andre Ter Stegen. Ndërsa i pyetur edhe për mundësinë e një rikthimi të mundshëm të Mario Gotzes në kombëtare, Low ka deklaruar: “Një ftesë tani do të ishte shumë shpejt. Ai ka nevojë për faza më të gjata që të jetë konstant. Vetëm atëherë do të rikthehet një temë për ta diskutuar”.