Joachim Low, ish-trajner i Gjermanisë, ka dhënë një intervistë të gjatë për “Kicker”, ku ka folur edhe për Mesut Ozil dhe rëndësinë që ai pati gjatë kohës kur ai ishte në krye të Kombëtares: “Gjatë periudhës sime si trajner, ishte një dhuratë e pabesueshme për ne. E dënoj disi atë që ndodhi pas vitit 2018, sepse ai e la Kombëtaren, që ishte familja e tij për vite me radhë, pa e përshëndetur. U ofendua dhe shpërtheu një stuhi kundër tij dhe Ilkay. Nga ana tjetër, do të kisha dashur që të gjithë ne të kishim një largim të ndryshëm. E kam kritikuar, por një vit më vonë folëm. Megjithatë, është një turp. Mesut është kampion bote, ai i përket një gjenerate të artë dhe ka qenë një lojtar i jashtëzakonshëm gjatë viteve pas 2006”.

“Pas Botërorit të vitit 2018, të bëja një hap prapa do të kishte qenë gjëja e duhur. Eliminimi në fazën e grupeve në Rusi ishte një goditje e fortë, por unë doja ta shkulja këtë turp bashkë me Oliver Bierhoff. Kishim një valë inati që donim ta kthenim në energji pozitive. Dy ose tre vjet më vonë e kuptova që do të ishte momenti i duhur për të ikur. Një përvojë kaq negative nuk ishte e mirë. Do të kisha duhur të hapja rrugën për dikë tjetër që të vinte me ide të reja dhe të “priste” ‘gjeneratën e artë’”, ka shtuar Low.

Ish-trajneri i kombëtares gjermane foli edhe për mënyrën se si arriti ta bindte Musialan të luante për Gjermaninë. “U takuam në Mynih. Kishim biseduar disa herë më parë dhe para Evropianit të 2021. Oliver Bierhoff dhe unë e vizituam. Për herë të parë në karrierën time si trajner, i premtova një lojtari në fillim që do të ishte pjesë e skuadrës për Evropianin. Musiala ishte një lojtar rezervë te Bayerni në atë kohë, por ne kishim parë tashmë talentin e tij. E dinim që mund të ishte shumë i rëndësishëm për Kombëtaren tonë. Kështu që duhej ta lidhim atë. Musiala ishte pak i pasigurt, sepse kishte dhe miq në Angli, si Bellingham. I premtuam se do të ishte aty në turne. Por gjithashtu i thamë se do të duhej të zgjidhte me zemër”, ka deklaruar Low.