Kompania ajrore Lufthansa ka nisur një fushatë për të “rekrutuar” 20 mijë punonjës nga Evropë, mes një rikuperimi të trafikut ajror dhe mungesës së fuqisë punëtore në industri.

Lufthansa planifikon të punësojë 20 mijë bashkëpunëtorë të rinj me 45 profesione të ndryshme në bazat e kompanisë në Gjermani, Austri, Zvicër dhe Belgjikë, ka thënë grupi në një deklaratë.

Sipas linjës ajrore, ata janë në kërkim të “teknikëve, specialistëve të IT-së, avokatëve, pilotëve dhe ekuipazhit të kabinës”.

Sipas shifrave të publikuara në vjeshtë, Lufthansa kishte 108 mijë punonjës në fund të shtatorit dhe donte ta rriste atë numër në rreth 115 mijë deri në fund të 2023 – nga 138 mijë punëtorë që grupi kishte në fund të 2019, përpara goditjes së Covid-19.

Për këtë, kompania do të nisë një fushatë  në shtyp, radio dhe internet, si dhe në mediat sociale për të tërhequr kandidatët.

Ashtu si industria në tërësi, Lufthansa po përballet me mungesë të fuqisë punëtore, pasi shumë punëtorë u larguan nga industria pas pandemisë./abcnews.al