Kryetari i Leposaviqit, Lulzim Hetemi, ka marrë vendim që të mos lejojë vendosjen e flamujve serbë në territorin e kësaj komune.

Ky vendim i tij lidhet me një kërkesë të disa qytetarëve serbë, siç raporton “Tanjug”, për të shënuar festën e Shën Vasili Ostrogut, më 12 maj.

Kjo ka bërë që të ketë reagim të Listës Serbe, që këtu ka njohur Kushtetutën e Kosovës, duke u thirrur se vendosja e simboleve lejohet me ligjet e Kosovës.

“Kjo është pamja e luftës së Kurtit kundër krimit dhe respektimi i ligjeve”, është shprehur subjekti politik serb.

“KlanKosova.tv” ka provuar që të kontaktojë me kryetarin Hetemi për të konfirmuar raportimet, por që deri në momentin e botimit të lajmit nuk ka pranuar përgjigje.