Kandidati i LDK-së për deputet, Lumbardh Salihu, ka vizituar Vjenën, ku ka zhvilluar një bisedë miqësore me Lumir Abdixhiku, kryetarin e LDK-së, raporton GazetaBlic.

Teksa ka postuar disa fotografi, Salhu thotë se me Abdixhikun kanë ndarë përvojat e tyre dhe diskutuar për sfidat që i presin pas zgjedhjeve të 9 shkurtit.

Salihu tutje shton se, ata folën për shumë tema, përfshirë futbollin, një pasion i përbashkët, dhe qytetin ku Salihu ka filluar karrierën e tij në futboll.

Postimi i plotë:

Gjatë vizitës në Vjenë, me Lumirin, në një bisedë miqësore, ndamë përvojat tona, biseduam për shumë gjëra, përfshirë edhe futbollin, një pasion i përbashkët yni. I tregova qytetin ku jam rritur, dhe ku kam filluar karieren ne futboll. Biseduam gjithashtu për sfidat që na presin pas 9 shkurtit për të realizuar ndryshimet e nevojshme.