Kryetari i degës së PDK-së në Skenderaj, Sami Lushtaku, përmes një postimi në llogarinë e vet në “Facebook”, ka falënderuar votuesit e PDK-së, veçmas mbështetësit në Skenderaj e Drenicë, që vazhdojnë besimin e madh ndaj tij dhe PDK-së.

“Dua që të falënderoj nga zemra të gjithë Ju, për punën, angazhimin dhe përkushtimin tuaj gjatë fushatës zgjedhore dhe për besimin që i keni dhënë PDK-së në zgjedhjet e djeshme”, ka shkruar Lushtaku.

Postimi i plotë i tij:

Të dashura struktura e simpatizantë të Partisë Demokratike të Kosovës,

Dua që të falënderoj nga zemra të gjithë Ju, për punën, angazhimin dhe përkushtimin tuaj gjatë fushatës zgjedhore dhe për besimin që i keni dhënë PDK-së në zgjedhjet e djeshme.

I falënderoj votuesit e PDK-së anë e kënd Kosovës e veçmas mbështetësit tanë në Skenderaj e Drenicë, që vazhdojnë besimin e madh ndaj meje dhe ndaj PDK-së.

Do të jemi bashkë gjithmonë! SL