Asamblisti i Lëvizjes Vetëvendosje në Kuvendin Komunal të Prishtinës, Besart Krasniqi, ka thënë se Komuna e Prishtinës është duke e çuar drejt falimentimit ndërmarrjen publike “Pastrimi” dhe rrjedhimisht po i lë pa punë mbi 900 punëtorë.

Krasniqi në një konferencë për medie ka thënë se është hapur një thirrje për një kontratë kornizë 3-vjeçare nga Komuna e Prishtinës me vlerë prej 16.5 milionë euro që ka të bëjë me menaxhimin e mbeturinave në kryeqytet.

Në këtë kontekst, Krasniqi ka kërkuar që  të anulohet ky tender.