Në Kuvendin Komunal të Prishtinës të enjten janë shkarkuar anëtarët aksionarë të Ndërmarrjeve Publike Lokale të Prishtinës.

Asamblistët e opozitës, LV-së, AAK-së dhe Nism-së, si dhe me përkrahjen e kryesuesit të dorëhequr nga LDK-ja, Fehmi Kupina, kanë shkarkuar 20 aksionarë të ndërmarrjeve publike komunale në Prishtinë.

Në mesin e zëvendësuesve, opozita ka votuar për emërimin e Arianit Beqirit, asistentit të kryeministrit Albin Kurti, në pozitën e aksionarit të Ndërmarrjes Publike Banesore.

Me 26 vota për, asnjë kundër dhe asnjë abstenim, Kuvendi Komunal ka zgjedhur anëtarët aksionarë të Ndërmarrjeve Publike të kryeqytetit si në vijim:

“Termokos” – Sami Borovci dhe Gëzim Mehmeti

“Ndërmarrja Publike Banesore” – Arjanit Beqiri dhe Besart Krasniqi

“Pastrimi” – Feim Osmani dhe Petrit Reçica

“Hortikultura” – Valbona Ajeti dhe Taulant Maxharraj

“Trafiku Urban” – Gëzim Sveçla dhe Triera Kasumi-Berisha

“Sport Marketing”- Endrit Zabërgja dhe Bali Gashi

“Stacioni i Autobusëve” – Mirsad Vitija dhe Besnik Mujeci

“Prishtina Parking” – Flamur Kelmendi dhe Besnik Haziri

“Kuzhina Qendrore” – Arbnora Berisha dhe Teuta Kadiu-Gjinolli

“Pallati i Rinisë” – Kushtrim Mushica dhe Endrit Gashi