Kryeministri i Kosovës, Albin Kurti, ditëve të fundit ka rritur angazhimin e tij në përkrahje të kandidatëve të partisë së tij për kryetarë komunash.

Ditë më parë ka vizituar Agim Bahtirin në Mitrovicë, derisa dje në profilin e tij zyrtar në “Twitter” ka bërë thirrje që të ndiqet kandidati për kryetar të Prishtinës, Arben Vitia.

Ndërkohë figura e Kurtit po shfrytëzohet për fushatë edhe në Prizren.

Në një pjesë ku janë vendosur posterët e Mytaher Haskukës, është vendosur edhe një poster që mban mbishkrimin për të votuar Haskukën, derisa fotografia është e kryeministrit Kurti.